08 окт 09:41
Янгиликлар

Теннис

Тошкент Челленжер. Бугун Султонов бошлаб беради

Бугун пойтахтимиздаги Республика олимпия захиралари теннис мактаби кортларида теннис бўйича “Челленжер” туркумига кирувчи турнирнинг асосий тўр баҳслари бошланади.

Соврин жамғармаси 75 000 АҚШ долларини ташкил қилувчи ушбу турнирнинг асосий тўр баҳсларида ҳамюртимиздан Денис Истомин, Жўрабек Каримов, Ҳумоюн Султонов иштирок этади.

Истеъдодли теннисчиларимиз Жўрабек Каримов ва Ҳумоюн Султоновга турнир ташкилотчилари тўғридан-тўғри асосий тўрда қатнашиш ҳуқуқини берувчи имтиёзли йўлланма тақдим этишган. Бугун Ҳумоюн австриялик Акира Сантилянга қарши кортга чиқади.

Босниялик Мирза Башич мусобақанинг биринчи ракеткаси сифатида ҳаракат қилади. Мамлакатимизнинг биринчи рақамли теннисчиси Денис Истомин эса иккинчи рақам остида сараланди. Алмати шаҳридаги “Челленжер” турнирида бош совринни қўлга киритган Денис илк даврада италиялик Федерико Гайога қарши кортга чиқади.