12 окт 11:59
Янгиликлар

Теннис

Тошкент “Челленжер”. Бугун яккаликда финалчилар аниқланади

Пойтахтимизда ўтказилаётган теннис бўйича “Челленжер” туркумига кирувчи турнир ўзининг ҳал қилувчи палласига кирди.

Соврин жамғармаси 75 000 АҚШ долларини ташкил қилувчи ушбу турнирнинг яккалик баҳсларида бугун ярим финал учрашувлари ўтказилади. Дастлабки кортга Денис Истоминни мағлуб этган канадалик Феликс Алиассим Ожье ҳамда беларуслик Егор Герасимовлар таклиф этилади.

Иккинчи ярим финал учрашувида эса польшалик Камиль Майржак германиялик Тобиас Камкега қарши кортга чиқади. Илк ярим финал учрашуви соат 12:30да бошланади. Тошкент “Челленжер” турнири ғолиби эса эртага аниқланади.