22 сен 15:25
Янгиликлар

Дзюдо

Тошкент Гран-приси. Алишер Юсупов бронза медали учун татамига чиқади

"Ҳумо Арена"да дзюдо бўйича Тошкент Гран-присининг сўнгги кунги баҳслари давом этмоқда.

Эркаклар ўртасидаги +100 кг вазн тоифасида юртимиз шарафини ҳимоя қилган Алишер Юсупов бронза медали йўлидаги илк учрашувда қирғизистонлик Бекболот Токтогоновга қарши татамига чиқди ва рақибини иппон баҳоси билан мағлуб этди.

Энди Юсупов кечки дастурда бронза медали учун курашади. Унинг рақиби австриялик Стефан Хейги бўлади. Хейги ярим финалда яна бир ҳамюртимиз Бекмурод Олтибоевга имкониятни бой бериб қўйган эди.