Тошкент Гран-приси. Ўзбекистон умумжамоа ҳисобида 2-ўринни эгаллади

Дунёнинг 71 давлати спортчилари иштирок этган мусобақада Россия терма жамоаси 5 та олтин, 2 та кумуш медал билан умумжамоа ҳисобида биринчи ўринни эгаллади. Иккита олтин 3 та кумуш, 2 та бронза медалини қўлга киритган Ўзбекистон терма жамоаси иккинчи поғонадан жой олди. Кучли учликка Австрия терма жамоаси 2 та олтин ва 2 та бронза медали билан якун ясади. 

Жанубий Корея, Грузия, Швеция, Греция ва Венгрия дзюдочилари биттадан олтин медалга эга бўлишди. Япония терма жамоаси эса 2 та кумуш ва битта бронза медали билан 9-ўрин билан кифояланди. Умумий олганда жами 29 та давлат спорт делегациялари ўз ватанларига Тошкент Гран-присининг камида битта бронза медали билан қайтадиган бўлишди.