21 янв 12:39
Янгиликлар

Дзюдо

Тошкент "Катта Дубулға" турнири "Юнусобод" спорт мажмуасида ўтказилади

Хабарингиз бор, 3-5 март кунлари пойтахтимиз "Катта Дубулға" туркумига кирувчи нуфузли мусобақага мезбонлик қилади.

Бир неча кун аввал Халқаро дзюдо федерацияси (IJF) томонидан 2023 йилги халқаро мусобақалар тақвими расман тасдиқланган эди. Унда пойтахтимиздаги "Юнусобод" спорт мажмуаси мезбонлигида ўтадиган навбатдаги "Grand Slam" турнирининг санаси ҳам ўз тасдиғини топганди.

Ўзбекистон дзюдо федерациясида ўтказилган ишчи гуруҳ йиғилишида айни шу мусобақага олиб борилаётган тайёргарлик масалалари муҳокама қилинди. Федерация раиси ўринбосари Зафар Қаҳрамонов раислигида ўтган йиғилишда ҳар бир йўналиш бўйича белгиланган масъулларнинг ҳисоботлари тингланди ҳамда тегишли тавсиялар беридҳлди.