Тошкент шаҳар Жисмоний тарбия ва спорт бошқармасида режалар муҳокама қилинди

Жисмоний тарбия бўйича мутахассисларни илмий методик таъминлаш, қайта тайёрлаш ва малакасини ошириш марказида Тошкент шаҳар Жисмоний тарбия ва спорт бошқармаси ташаббуси билан Ўзбекистон Республикаси Президентининг 2020 йил 24 январдаги “Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида”ги ПФ–5924-сонли Фармони ҳамда 2020 йил 24 январь куни Ўзбекистон Республикаси Президенти Шавкат Мирзиёевнинг Олий Мажлисга йўллаган Мурожаатномаси тўғрисида, шунингдек, Тошкент шаҳар жисмоний тарбия ва спорт башқармасининг 2020 йил 20 январдаги 20-сонли “Тошкент шаҳар жисмоний тарбия ва спорт бошқармаси фаолиятини тартибга солиш тўғрисида”ги буйруғи ижросини таъминлашга қаратилган йиғилиш бўлиб ўтди.

Тадбирда Тошкент шаҳридаги туманларнинг жисмоний тарбия ва спорт бўлимлари, Олий спорт маҳорати мактаблари, Спорт турларига ихтисослаштирилган болалар-ўсмирлар спорт мактаблари ҳамда болалар-ўсмирлар спорт мактаблари масъул ходимлари ва раҳбарлари иштирок этди.

Юқоридаги масалалар бўйича Тошкент шаҳар жисмоний тарбия ва спорт бошқармаси бошлиғи Акромхўжа Шадиходжаев, бошқарма бошлиғи ўринбосари Дониёр Султановлар йиғилиш иштирокчиларига тушунтириш берди.

Шунингдек, Ўзбекистон Республикаси Президентининг 2019 йил 29 октябрдаги “Ўзбекистон Республикасида регби спорт турини ривожлантириш чора-тадбирлари тўғрисида”ги ПФ–4500-сон ҳамда 2019 йил 4 декабрдаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги ПФ–5887-сонли Фармонлари ижроси бўйича амалга оширилаётган ишлар тўғрисида туман бўлимлари бошлиқлари ва спорт таълим муассасалари раҳбарлари ҳисобот беришди.

Тадбир давомида коррупцияга қарши курашиш бўйича йиғилганларга топшириқлар берилди. Шу билан бирга, спорт мактабларида ўқувчиларни кийиниш маданияти тўғрисида “Шайх Зайниддин” жомеъ масжиди имом- хатиби тадбир иштирокчиларига тушунтиришлар бериб ўтди. Қолаверса, 2020 йилда амалга ошириладиган ишлар тўғрисида топшириқлар берилди.