Тошкент вилоятида “Раҳбар кубоги” мусобақасининг ҳудудий босқичи якунланди

Тошкент вилоятида жисмоний тарбия ва спортни янада оммалаштириш, аҳоли ўртасида соғлом турмуш тарзини тарғиб қилиш мақсадида ташкил этилган мусобақаларда Тошкент вилояти Жисмоний тарбия ва спорт бошқармаси тасарруфидаги спорт таълим муассасалари ходимлари иштирок этишди. Мусобақалар спортнинг мини футбол, волейбол ва стол тенниси турлари бўйича ўтказилди.

Юқоричирчиқ туманида ўтказилган ҳудудий босқичида иштирокчилар кучлилар ичида энг кучлисини аниқлаш борасида ўзаро беллашишди.

Мусобақалар доирасида мини футбол бўйича ярим финал баҳсларининг дастлабкисида Сув спорти турларига ИБЎСМ жамоаси Чирчиқ ОЗK жамоаси билан беллашиб, 0:8 ҳисобида имкониятни бой берди. Иккинчи ярим финалда СЎТ ва ЕАИБЎСМ жамоаси ЯКТИБЎСМ жамоаси билан куч синашиб, 7-1 ҳисобида ғалаба қозонди.

Ярим финал ғолиблари Чирчиқ ОЗК жамоаси ва СЎТ ва ЕАИБЎСМ жамоалари финалда чемпион номига аниқлик киритиш учун баҳс олиб борди. Унда Чирчиқ ОЗК жамоаси рақбларини 6:0 ҳисобида мағлуб этишди.

Аёллар ўртасида стол тенниси бўйича ўтказилган баҳсларда 1-ўринни вилоят Сув спорт турларига ИБЎСМ вакиласи Е.Мамидаманова қўлга киритди. 2-ўринни вилоят СЎТ ва ЕАИБЎСМдан Д.Имамджанова ва 3-ўринни Чирчиқ ИОЗМИдан Б.Камилова қўлга киритди.

Ушбу спорт турининг эркаклар ўртасида ўтказилган баҳсларида 1-ўринни вилоят ЯКСТИБЎСМ вакили Б.Исроилов, 2-ўринни Чирчиқ ИОЗМИ вакили Д.Жуманов, 3-ўринни вилоят Сув спорт турларига ИБЎСМ вакили Д.Сайдинов қўлга киритди.

Волейбол спорт тури бўйича Чирчиқ ОЗК жамоаси вилоят ЯКСТИБЎСМ жамоасини 2-0 ҳисобида мағлуб этиб финал босқичига йўл олди.