02 ноя 09:28
Янгиликлар

Дзюдо

Тошкентда олти мамлакат дзюдочиларининг қўшма машғулоти ўтказилади

4 ноябрдан Ўзбекистон дюдо марказида олти мамлакат дзюдочилари иштирокида халқаро қўшма ўқув-машғулот йиғини бошланади.

Ўзбекистон дзюдо федерацияси томонидан ташкил этилаётган ушбу йиғинда Франция, Грузия, Қирғизистон, Миср ва Саудия Арабистони терма жамоалари аъзолари иштирок этади.

Илк дздочи бугун Тошкентга етиб келди. Ислом Каримов номидаги Тошкент халқаро аэропортида +100 кг вазн тоифасида жаҳон чемпиони (2018), Европа чемпиони (2017), Европа ўйинлари ғолиби (2019) Гурам Тушишвилини федерация вакиллари кутиб олишди. Дунёда ҳамон пандемик вазият сақланиб тургани боис, таклиф этилган баъзи давлат делегациялари юртимизга кела олмасликларини маълум қилишди. Акс ҳолда иштирокчи давлатлар сони кўпроқ бўлар эди.

Маълумот учун, Ўзбекистон дзюдо федерацияси томонидан ҳар йили худди шундай халқаро қўшма ўқув-машғулот йиғинлари ўтказиб келинади.