12 янв 20:14
Янгиликлар

Шахмат

Тошкентда "Тошкент қиши" рейтинг турнири бўлиб ўтмоқда ФОТОРЕПОРТАЖ

Пойтахтимиздаги Халқаро шахмат академиясида ўтказилаётган анъанавий "Тошкент қиши" рейтинг турнири қизғин паллага кирди.

216 нафар иштирокчи "А" ва "Б" гуруҳларига бўлинган ҳолда, ўз маҳоратларини синовдан ўтказаётган турнирнинг 6 та тури ортда қолди.

Унинг натижаларига кўра, Шерзод Самандаров ("А" гуруҳи) 6 имкониятдан 6 очко жамғарган ҳолда гуруҳ пешқадами бўлиб турибди. Муҳаммадкарим Абдуллаев, Меҳриддин Йўлдошев, Жўрабек Ибодуллаев, Умархон Фахриддинхўжаевлар ҳисобида эса 5 тадан очко бор.

Қизлардан Асал Салимова ҳам 5 очко жамғара олган. Ҳожиакбар Алижонов 6 имкониятдан 5,5 очко жамғарган ҳолда "Б" гуруҳида етакчилик қилмоқда.

Мазкур гуруҳнинг яна 9 шахматчиси 5 тадан очко олган: Афрузбек Собиров, Алан Исаев, Умаржон Баҳодиров, Раҳмонали Неъматжонов, Фирдавс Абдусамадов, Шохрухжон Жабборов, Бунёд Собиржонов, Бобур Жумаев, Алишер Абдуқаюмов.

Қизлар орасида эса Мумтозбегим Собирова билан Дилнура Ғофуржонова 4 тадан очкога эга. Рейтинг турнирининг ғолиб ва совриндорлари 14 январь куни маълум бўлади.