"Тоттенхэм" Абдуқодир Ҳусановни ўз сафида кўрмоқчи

23 ёшли Ван де Вен "Ман Сити"га қарши Кубок доирасидаги ўйинда тиззасидан жароҳат олди ва тахминан 4-6 ҳафтага сафдан чиқди.

Маълумотларга кўра, лондонликлар январь ойидаги трансфер ойнасидан аввал бир нечта трансфер вариантлари бўйича ишларни фаоллаштирган. "Тоттенхэм" собиқ скаути Майк Браун "Football Insider"га юзага келган вазият туфайли клуб ҳимоя чизиғини янада кучайтириш ниятидалигини маълум қилган. 

Марказий ҳимояни кучайтириши мумкин бўлган вариантлардан бири Европанинг қатор клублари қизиқишига сабаб бўлган 20 ёшли Абдуқодир Ҳусанов ҳисобланади. 

"Ҳимоячи юқори даражада катта тажрибага эга эмас. Фаолиятида давомида асосий жамоада 62 та ўйинда майдонга тушган Ҳусанов, уларнинг 37 тасини Беларуснинг иккинчи Лигасида ўтказган. 2023 йилда "Ланс"га кўчиб ўтгач, Францияда унга юксак баҳо беришди, бироқ кейинги жиддий қадамдан аввал футболчи янада кўпроқ тажриба тўплаши керак.

20 ёшли спортчи Ўзбекистон терма жамоаси сафида 16 бор майдонга тушди ва мунтазам равишда халқаро миқёсдаги мусобақаларда ўйнаб келмоқда. Натижада кўплаб клублар уни улкан салоҳиятга эга футболчи сифатида кузатмоқда", - дейилади "Football Insider" хабарида.