22 янв 08:34
Янгиликлар
Тунис Гран-Присида умумажамоа ҳисобида ўнинчи бўлдик
Пойтахт Тунис шаҳридаги El Menzah Sports Hall аренаси мезбонлик қилган Гран-При тмусобақасида дунёнинг 46 давлатидан 430 нафар дзюдочи жами 14та вазн (7 нафардан эркаклар ва аёллар) тоифасида татамига чиқди.
Етти нафар спортчи билан иштирок этган Ўзбекистон терма жамоаси якунда биттадан олтин ва бронза медали билан умумжамоа ҳисобида 10-ўринни эгаллади. -66 кг вазн тоифасидаги вакилимиз Шаҳрам Аҳадов барча рақибларини мағлубиятга учратиб, Тунис Гран-Приси ғолибига айланди.
-73 кг вазн тоифасида татамига чиққан Мирзоҳид Фармонов эса бронза медалини қўлга киритди. У бронза медали учун кечган баҳсда франциялик Бенжамин Аксусни мағлубиятга учратди.
Кеча мусобақанинг сўнгги куни Шермуҳаммад Жандреев (-90 кг) ва Ихтиёр Холмуродов (+100 кг) ўз имкониятларини синовдан ўтказишди. Жандреев илк баҳсдаёқ, Холмуродов эса бронза медали учун кечган учрашувда рақибига ютқазиб қўйди.
Иккита олтин, 3та бронза медалига эгалик қилган Қозоғистон терма жамоаси умумажамоа ҳисобида биринчи бўлди. Кучли учликдан Украина ва Япония терма жамоалари жой олишди.
Фикрлар