21 июл 08:40
Янгиликлар

Велоспорт

Тур де Франс. Баргиль 18-босқич ғолиби, Фрум ҳамон пешқадам

Франция йўллари бўйлаб давом этаётган велоспорт бўйича кўпкунлик Тур де Франс мусобақасининг 18-босқичи бўлиб ўтди.

Тоғли маршрут бўйича ўтказилган 179,5 км масофадаги пойгада Уоррен Баргиль ғолиб бўлди. Sunweb жамоасининг франциялик аъзоси белгиланган масофани 4 соату 40 дақиқа 33 сонияда босиб ўтди.

Иккинчи ўринни колумбиялик Йон Дарвин Атапума эгаллади. У пешқадамдан 20 сонияга ортда қолди. Кучли учликка Ромен Барде якун ясади. Умумий босқич якунларига кўра Кристофер Фрум ҳамон пешқадамлик давом эттирмоқда.