23 июл 11:55
Янгиликлар

Велоспорт

Тур де Франс. Боднар 20-босқич ғолиби, Фрум ҳамон пешқадам

Франция йўллари бўйлаб якунига етиб бораётган велоспорт бўйича кўпкунлик Тур де Франс мусобақасининг 20-босқичи ортда қолди.

22,5 километрлик масофада ўтказилган пойгада польшалик Мачей Боднар ғолибликни қўлга киритди. Bora-Hansgrohe жамоаси аъзоси белгиланган масофани 28 дақиқаю 15 сония ичида босиб ўтди.

Яна бир польшалик спортчи Михал Квятковски иккинчи, британиялик Кристофер Фрум учинчи ўринни эгаллади. Умумий босқич якунларига кўра ҳамон Фрум пешқадам бўлиб турибди ва у деярли чемпионликни қўлга киритди.