13 июл 11:02
Янгиликлар

Велоспорт

Тур де Франс. Киттель ўн биринчи босқичда ҳам биринчи!

Франция йўллари бўйлаб давом этаётган кўпкунлик Тур де Франс мусобақасининг ўн биринчи босқичида ҳам Марсель Киттель ғолибликни қўлга киритди.

Бу германиялик велоспортчининг бу йилги Тур де Франс мусобақасидаги бешинчи ғалабаси бўлди. Quick-Step Floors жамоаси аъзоси белгиланган масофани 4 соату 34 дақиқа 27 сонияда босиб ўтди.

Маррага иккинчи ўринда голландиялик Дилан Груневеген (Lotto NL-Jumbo) етиб келди. Норвегиялик Эдвальд Боассон Хаген (Dimension Data) учинчи ўринни эгаллади. Ўн битта босқич якунларига кўра британиялик Кристофер Фрум (Sky) пешқадамликни сақлаб қолди.