20 июл 09:50
Янгиликлар

Велоспорт

Тур де Франс. Роглич 17-босқич ғолиби, Фрум эса пешқадам

Франция йўллари бўйлаб давом этаётган велоспорт бўйича кўпкунлик Тур де Франс мусобақасининг 17-босқичи ортда қолди.

Ушбу босқичда словениялик Примож Роглич ғолибликни қўлга киритди. Lotto NL – Jumbo жамоаси вакили белгиланган 183 км масофани 5 соату 7 дақиқа 41 сонияда босиб ўтди.

Иккинчи ўринни колумбиялик Ригоберто Уран (Cannondale-Drapac) эгаллади. Кучли учликка британиялик Кристофер Фрум (Sky) якун ясади. Айнан Фрум 17 та босқич якунларига кўра пешқадамликни ўзида сақлаб турибди.