20 июн 13:20
Янгиликлар

Бокс/ММА

Турки Ал аш-Шайх "бокс инқилоби"ни режалаштирмоқда

Саудиялик амалдор, спорт ҳомийси ҳамда промоутер Турки Ал аш-Шайх замонавий профессионал боксда низолашаётган томонларни яраштирмоқчи.

"Мен яқин вақт ичида укаларим Дана Уайт, Ник Хан, Фрэнк Уоррен, Эдди Хирн ҳамда DAZN ҳамкорларим ва дўстларим билан учрашув уюштиришга ҳаракат қиламан. Мақсад - уларни яраштириб, боксда инқилоб қилиш!

Умид қиламанки, мен буни уддалайман ва мухлислар мўридан оқ тутун кўтарилаётганини кўришади", - деди Саудия Арабистони кўнгилочар бошқармаси бошлиғи Турки The Ring журналига берган интервьюсида.

Эслатиб ўтамиз, юқорида номлари келтирилган тажрибали бокс промоутерлари Уайт ортида турган янги Zuffa Boxing компаниясининг тажовузкор сиёсатидан норозилик билдирган эди. Дана ва британиялик промоутер Эдди Хирн ўртасидаги можаро эса шахсий даражага кўтарилган.