23 июл 18:52
Янгиликлар

Бокс/ММА

"У мукаммал"

Енгил вазн тоифасида WBA ҳамда WBО камари соҳиби Василий Ломаченконинг менежери Боб Арум мижозига юқори баҳо берди.

“Ломаченко - мукаммал. Менимча, у Буюк Британияни забт этмоқчи. Шубҳасиз, Люк Кемпбелл кучли боксчи, лекин Ломаченко феномен. Британияликлар анча вақтдан бери Ломани Лондонда кўришни исташганди. Жанг сўзсиз ажойиб бўлади, О2 аренаси юз фоиз тўлишига ишонаман. Агар инглизлар Василийни қўллаб-қувватлашса, бундан ажабланмаган бўлардим”,-деди Арум.

Эслатиб ўтамиз, Ломаченко - Люк жанги 31 август куни О2 аренасида бўлиб ўтади.