23 ноя 18:28
Янгиликлар

Бокс/ММА

Уайлдер - Ортис: Боксчилар учун кафолатланган гонорарлар маълум

Бизнинг вақт билан эртага тонгда АҚШнинг Невада штати Лас-Вегас шаҳрида профессионал бокс кечаси бўлиб ўтади.

MGM Grand аренасидаги оқшомнинг марказий жанги супероғир вазн тоифасида WВC чемпиони, америкалик Деонтей Уайлдер ҳамда кубалик даъвогар Луис Ортис ўртасида ўтказилади. Невада штати Атлетик комиссияси (NSAC) боксчиларнинг кафолатланган гонорар суммасини эълон қилди.

Унга кўра, Деонтей Уайлдер жанг натижасидан қатъий назар 3 миллион долларга эга бўлади. Реванш илинжида рингга кўтариладиган Луис Ортис эса эртанги жангидан 1,5 миллион АҚШ доллари ишлаб олади.

Лекин бу ҳали якуний сумма эмас. Трансляциядан тушадиган даромаддан ҳам боксчиларга улуш берилади. Бу ҳолатда Уайлдернинг гонорари 20 миллион, Ортисники эса 7 миллион долларга етиши мумкин.