11 апр 14:16
Янгиликлар

Бокс/ММА

Уайлдерга Жошуа билан жанг учун 12,5 миллион доллар таклиф қилишди

Супероғир вазн тоифасида WBA, IBF ва WBO йўналишлари чемпиони Энтони Жошуанинг промоутери Эдди Хирн WBC чемпиони Деонтей Уайлдерга бирлаштирувчи чемпионлик жанги учун 12,5 миллион доллар таклиф қилди.

“Агар Уайлдернинг жамоаси бу суммага розилик бермаса, у ҳолда биз чемпионлик камарига расмий даъвогар россиялик Александр Поветкин билан жанг ўтказамиз. Бу билан Уайлдерга қарши жанг ўтказилмайди, демоқчи эмасман. Шунчаки бу мавзуга Поветкин билан жангдан сўнг қайтамиз”, — деди Хирн The Ring журналига берган интервьюсида.

Уайлдернинг менежерларидан бири Шелли Финкель ҳозирча бу чорловга ҳеч қандай муносабат билдирмади. Лекин яқин кунларда улар Уайлдернинг жавобини айтишга ваъда беришган.