30 июн 18:49
Янгиликлар

Бокс/ММА

Уайлдернинг устидан кулишди, у Instagram чемпиони экан

Супероғир вазн тоифасида 4та чемпионлик камари соҳиби Энтони Жошуанинг промоутери Эдди Хирн WBC чемпиони Деонтей Уайлдерга ўзига хос таъриф берди.

Хирннинг айтишича, америкалик жаҳон чемпиони Instagram чемпиони экан.

"Айни пайтда Жошуа 4та чемпионлик камари соҳиби бўлиб турибди. Уайлдерда эса битта камар бор. Унга Instagram чемпионлик камарини ҳам топшириш керак. Чунки, у фақат шу ерда фаол", - деди Хирн.

Эслатиб ўтамиз, Жошуанинг жамоаси Уайлдерга 2019 йилнинг 13 апрель куни Лондондаги "Уэмбли" стадионида бирлаштирувчи чемпионлик жангини ўтказишни таклиф қилган. Лекин ҳозирча Деонтей бу чорловга муносабат билдирмаган.