Уч нафар ўзбек спортчисига "Gentra" автомобили совға қилиинди + ФОТО

Бу ютуқларга Тошкент вилояти спортчилари ҳам ўзларининг салмоқли улушини қўшиб келмоқда.

Келгуси йил Япониянинг Токио шаҳри мезбонлик қиладиган XXXII ёзги Олимпия ўйинларига Тошкент вилоятидан уч нафар спортчи йўлланмани қўлга киритишган. Булар – оғир атлетикачи Акбар Жўраев, боксчилар Элнур Абдураимов ҳамда Турсуной Раҳимова.

Бугун Тошкент вилояти ҳокимлигида ушбу спортчиларни тақдирлаш маросими бўлиб ўтди. Тадбирда вилоят ҳокими, сенатор Рустам Холматов иштирок этиб, халқаро майдонларда мамлакатимиз шарафини муносиб ҳимоя қилиб келаётган спортчилар, уларнинг ота-оналари ҳамда устозларига миннатдорлик билдирди.

Шундан сўнг Токио-2020 лицензиантларига “Gentra” русумли автомобиль калитлари топширилди. Фақат, Элнур Абдураимов айни вақтда АҚШда бўлиб тургани ва профессионал боксда навбатдаги жангига тайёргарлик кўраётганлиги боис унинг номидан совғани отаси Нургали Абдураимов қабул қилиб олди.

Шунингдек, тадбирда бокс бўйича Ўзбекистон терма жамоаси мураббийи Тўлқин Қиличев, бокс мураббийи, Олмалиқ шаҳар БЎСМ директори Озод Ҳасанов ҳамда тренер Азамат Туроповлар ҳам ҳоким совғаси – Ноутбук билан тақдирланди.

Тадбирдан олинган суратларни томоша қилинг: