Учта медаль қўлга киритган Ўзбекистон Париж "Катта Дубулға" турнирида нечанчи ўринни эгаллади? (Жадвал)

Дунёнинг энг кўзга кўринган дзюдочилари иштирок этган мусобақада терма жамоамизнинг 5 нафар аъзоси ҳам медаллар ҳамда рейтинг очколари учун татамига чиқди. Турнирнинг иккинчи куни Шарофиддин Болтабоев (-81 кг), Токио Олимпиадаси совриндори Давлат Бобонов (-90 кг) ва Музаффарбек Тўрабоев (-100 кг) ўз вазн тоифаларида бронза медали ҳамда 500 рейтинг очкосини қўлга киритишди. 

Бу медаллар сабаб Ўзбекистон медаллар жамғариш бўйича умумжамоа ҳисобида 10-ўринни эгаллади. Япония терма жамоаси кутилганидек, 7 та олтин, 5 та кумуш, 6 та бронза медали билан биринчи бўлди. 

Мезбонлар 3 та олтин, 1 та кумуш, 7 та бронза билан иккинчи ўринни банд этишган бўлса, кучли учлик мўғулистонлик дзюдочилар 2 та олтин, 1 та кумуш ва 1 та бронза медали билан якун ясашди.