УЕФА жазмани билан боғлиқ жанжал сабаб Инфантинонинг фаолиятини текширмоқчи

Бу ҳақда "The Telegraph" нашри хабар беради.

Бунга функционер бош котиб бўлиб ишлаган даврида у билан муносабатда бўлган дейилган аёлга ортиқча олти хонали товон пули тўлангани ҳақидаги маълумот сабаб бўлган.

Нашр манбасининг хабарига кўра, Инфантино УЕФА бош котиби бўлиб ишлаган вақтида аёлга товон пули тўлагани ҳақидаги маълумотлар Европа ташкилоти штаб-квартирасида жиддий хавотир уйғотган. Таъкидланишича, УЕФА раҳбарлари орасида Инфантинонинг бу ерда 2000 йилдан 2016 йилгача бўлган фаолиятини тўлиқ текширишга харихоҳлик ортиб бормоқда.

Иттифоқ маблағ ажратилиши ҳолатларини ва уларнинг Инфантино раҳбарлиги давридаги кадрлар тайинловига таъсирини аниқламоқчи экани айтилмоқда.

Джанни Инфантино Халқаро футбол федерациясининг (ФИФА) амалдаги президенти ҳисобланади. 2016 йилда у УЕФА бош котиби лавозимини тарк этди ва Зепп Блаттер ўрнига ФИФАни бошқарди.