UFC 225. Ромеро 90 граммга оғир чиқди, жанг чемпионлик мақомида бўлмайди

Ўрта вазн тоифаси вакили бўлган Йоэль иккинчи уринишда ҳам белгиланган вазндан 0,2 фунт, яъни 90 граммга оғирроқ тош босди. Йоэль биринчи уринишда 1 фунтга оғирроқ чиққанди. Ромеро ихтиёридаги икки соат вақт давомида ҳам ортиқча вазндан халос бўла олмади. 

Шу тариқа, бизнинг вақт билан эртага тонг саҳарда ўтказиладиган чемпионлик жангида Роберт Уиттакерга тегишли UFC чемпионлик камари Ромеро ғалаба қозонган тақдирда ҳам ўз эгасида қолади. Аввалроқ Уиттакер агар Йоэль вазн меъёрини бажара олмаса, октагонга чиқмаслигини айтганди.