11 окт 10:02
Янгиликлар

Бокс/ММА

UFC 232. Оқшомнинг марказий жанги чемпионлик учун бўлади

АҚШнинг Лас-Вегас шаҳрида аралаш қоидалар бўйича UFC 232 оқшоми бўлиб ўтади.

Янги йил олдидан, аниқроғи 29 декабрь кунига белгиланган мегафайтнинг марказий жанги чемпионлик камари учун кечади. Унда ярим оғир вазн тоифасида собиқ UFC чемпиони Жон Жонс швециялик Александр Густафссонга қарши октагонга кўтарилади.

Ғолиб боксчи ушбу вазнда вакант бўлиб турган чемпионлик камарини қўлга киритади. Жонс сўнгги бор 2017 йилнинг июль ойида октагонга чиққан ва ўшанда Даниэль Кормьени нокаутга учратган эди.

Лекин Жонсдан тақиқланган модда топилгани боис, кейинчалик жанг натижаси бекор қилинганди. Густафссон эса сўнгги жангини 2017 йилнинг май ойида Гловер Тейшейрага қарши ўтказиб, рақибини нокаут эвазига мағлуб этганди.