07 июн 16:18
Янгиликлар

Бокс/ММА

UFC 250 турниридан ким қанча ишлаб олинган эълон қилинди

Бизнинг вақт билан бугун тонгда АҚШнинг Невада штати Лас-Вегас шаҳрида UFC 250 турнири бўлиб ўтди.

Невада Атлетик комиссияси оқшом иштирокчиларининг кафолатланган гонорарларини маълум қилди. Оқшомнинг марказий жанги иштирокчиси, икки вазнда амалдаги UFC чемпиони Аманда Нуньес 450, унинг рақибаси канадалик даъвогар Фелисия Спенсер 200 минг долларга эга бўлди.

Андеркард жанги ғолиби Коди Гарбрандт 240 минг, у нокаутга учратган Рафаэль Ассунсао 158 минг долларни қўлга киритди. Гарбрандт UFC томонидан 50 минг доллар бонусга ҳам эга чиқди.

Асосий кард жангларида ғалабага эришган Альжамейн Стерлинг 152, Шон О'Мэйли 80 минг долларлик бўлди. Ҳар икки жангчига шунингдек, 50 минг доллар бонус пули ҳам тақдим этилди.