31 дек 13:46
Янгиликлар
UFC 297 турнири битта жангини йўқотди
Бу ҳақда оқшом иштирокчиларидан бири Доминик Рейес хабар берди. Айнан у уч ҳафтадан кейин Торонтода ўтказиладиган UFC 297 турнирида Карлос Улбергга қарши октагонга чиқиши керак эди.
"Ҳаммага салом. 20 январь кунги жангим рақибимнинг жароҳати сабаб бекор бўлди. Айни пайтда жангни бошқа турнир кардига кўчириш ҳақида бош қотиряпмиз. Ажойиб машғулот лагерини ўтказгандим. Афсуски, тайёргарликларим бекорга кетадиган бўляпти. Яратганнинг режалари бошқа экан", - деди яримоғир вазнда UFC камарига собиқ даъвогар.
34 ёшли Рейес Жонс Жонсга баҳсли жангда ютқазганидан кейин яна кетма-кет учта жангда мағлубият аламини тотиб кўрди. У Ян Блахович, Иржи Прохазка ва Райан Спэннга имкониятни бой берган эди. 33 ёшли Карлос Улберг эса аксинча 5 та ғалабали серия билан кемоқда.
Фикрлар