24 дек 09:38
Янгиликлар

Бокс/ММА

UFC чемпиони: Енгил вазнда менга муносиб рақиб йўқ!

Енгил вазн тоифасида UFC чемпиони Аманда Нуньес олдинда турган жанги ҳамда ўз режалари билан ўртоқлашди.

Нуньес 30 декабрь куни ўрта вазнда UFC чемпиони Крис Сайборгга қарши бирлаштирувчи чемпионлик камари учун жангда октагонга чиқади. Ғолиб жангчи қиз икки вазнда UFC чемпионига айланган илк спортчи номини қўлга киритади.

“Ҳозир менинг вазн тоифамда муносиб рақиб йўқ. Шу боисдан ҳам битта юқорида турган вазн чемпионига қарши октагона чиқяпман. Чемпионлик камаримга даъвогарлар эса жароҳат олган”, - деди Нуньес.

Эслатиб ўтамиз, Аманда Нуньес 2016 йилда Миша Тейтни биринчи раунддаёқ мағлубиятга учратиб, ҳозир эга бўлиб турган чемпионлик камарини қўлга киритган эди. У Ронда Роузи, Валентина Шевченко ва Ракэль Пеннингтонни мағлуб этиб, уч бор чемпионлик камарини ҳимоя қилган.