16 фев 10:37
Янгиликлар

Бокс/ММА

UFC чемпиони Макс Холлоуэй Фергюсонни камар учун жангга чорлади

Аралаш қоидалар бўйича ярим енгил вазн тоифасида UFC чемпиони Макс Холлоуэй енгил вазн тоифасида вақтинчалик чемпионлик камари учун даъвогарлар сафидан жой олди.

Макс UFC раҳбарларига мурожаат қилиб, ушбу чемпионлик камари учун Тони Фергюсонга қарши жанг ўтказишга тайёр эканлигини ошкор этди.

“Тони Фергюсон менинг жанг услубимни ўзлаштириб олишга уринаётган спортчилардан бири. Мен у билан жанг қилишга тайёрман”, - дея ўзининг Твиттер саҳифасида хабар қолдирган Макс.

Холлоуэй хатто ушбу жанг 13 апрель куни UFC 236 турнири доирасида ўтказилиши ҳам қўшимча қилган.