09 авг 08:21
Янгиликлар

Бокс/ММА

UFC Fight Night 174. Марказий жанг нокаут билан тугади + ФОТО

Ҳозиргина АҚШнинг Невада штати Лас-Вегас шаҳрида ўтказилган UFC Fight Night 174 турнири ўз якунига етди.

Оқшомнинг марказий жанги бироз кутилмаган натижа билан тугади. Оғир вазн тоифасида ташкил этилган жангда америкалик Деррик Льюис россиялик Алексей Олейникка қарши октагонга кўтарилди. Деррик UFC рейтингида 4, Алексей эса 10-ўринни эгаллаб турганди.

Марказий жанг иккинчи раунднинг 21-cонияси ўтиб бораётган бир паллада якунланди. 35 ёшли Льюис 43 яшар Олейникни техник нокаутга учратди ва бу билан фаолиятидаги 24-ғалабасини қўлга киритди. Унинг ҳисобида еттита мағлубият ҳам бор. Тажрибали Олейникнинг натижалари қуйидагича: 59 ғалаба, 14 мағлубият, 1 дуранг.