10 ноя 10:08
Янгиликлар

Бокс/ММА

UFC Fight Night 247 турнирининг марказий жангида нокаут қайд этилди

Бугун АҚШнинг Невада штати Лас-Вегас шаҳрида наватдаги UFC турнири бўлиб ўтди.

UFC Fight Night 247 турнирининг асосий жанги яримўрта вазн тоифасида америкалик Нил Магни ҳамда Бразилия вакили Карлос Пратес ўртасида ўтказилди. Бразилиялик нокаутчи тажрибали Магнини биринчи раунд якунланишига 10 сония қолган бир пайтда чуқур нокаутга учратди.

Пратес бу йилги UFC турнирларидаги тўртинчи нокаутли ғалабасини қўлга киритди. Карлос кейинги жангини 9 февраль куни Австралиянинг Сидней шаҳрида ташкил этиладиган UFC 312 турнирида ўтказишга тайёр эканини маълум қилди. У рейтингнинг тўртинчи поғонасида бораётган австралиялик Жек Делла Маддаленани октагонга чорлади.