14 июн 08:36
Янгиликлар

Бокс/ММА

UFC Freedom 250 тарози маросими: Топурия ва Гэтжи меъёрни бажарди, Перейра Гандан оғир чиқди + ФОТОГАЛЕРЕЯ

Вашингтон шаҳрида эртага Оқ уй мезбонлик қиладиган ва АҚШ мустақиллигининг 250 йиллигига бағишланган UFC Freedom 250 байрам турнири иштирокчиларининг расмий вазн ўлчаш маросими бўлиб ўтди.

Енгил вазн тоифасида амалдаги ва вақтинчалик UFC чемпионлик камарларини бирлаштирадиган оқшом хедлайнерлари Илия Топурия ва Жастин Гэтжи чемпионлик чегарасига киришда ҳеч қандай муаммога дуч келмади ва ҳар бири бир хилда - 70,31 кг тош босди.

Оғир вазн тоифасида ташкилотнинг вақтинчалик чемпиони аниқланадиган иккинчи муҳим тадбир иштирокчилари Алекс Перейра ҳамда Сирил Ган мос равишда 113,85 кг ва 112,49 кг натижа кўрсатди. Ярим оғир вазн тоифасидан оғир вазнга ўтган Перейра рақибидан оғирроқ чиққани эътиборга молик ҳолат.

UFC Freedom 250 турнирининг барча тарози натижалари:

Илия Топурия (70.31 кг) – Жастин Гэтжи (70.31 кг) – енгил вазнда бирлаштирувчи чемпионлик жанги

Алекс Перейра (113.85 кг) – Сирил Ган (112.49 кг) – оғир вазнда вақтинчалик камар учун жанг

Шон О’Мэлли (61.46 кг) – Эйеманн Захаби (61.24 кг)

Жош Хокит (104.78 кг) – Деррик Льюис (120.20 кг)

Маурисио Руффи (70.31 кг) – Майкл Чендлер (70.76 кг)

Бо Никал (84.37 кг) – Кайл Дакас (84.37 кг)

Диего Лопес (66.22 кг) – Стив Гарсия (66.22 кг)