21 май 08:25
Янгиликлар
![](/upload/storage/300507_220.jpg)
UFC Шара Буллетга рақиб берди
Аслида Шара Буллет 22 июнь куни Саудия Арабистони пойтахти Ар-Риёд шаҳрида ташкил этиладиган UFC on ABC 6 турнирида украиналик Игорь Потеряга қарши октагонга чиқиши керак эди. Лекин Потеря жароҳат олгани сабабли ушбу жанг бекор қилинганди. Шундай бўлса-да, UFC Буллетни турнир кардида сақлаб қолишга муваффақ бўлди.
Энди Шарабутдин германиялик Жоилтон Луттербахга қарши октагонга чиқади. Бу олмон аралаш яккакураш устаси учун UFC лигасидаги дебют жанг бўлади. 31 ёшли Жоилтон Луттербах 2011 йилдан бери ММАда бўлиб, шу кунгача жами 48 та профессионал жанг ўтказиб, 38 ғалаба, 9 мағлубият қайд этган. Яна бир жанги эса ўтказилмаган деб топилган.
Дарвоқе, Жоилтон 2019 йилда ЖАР вакили Дрикус Дю Плесси билан KSW банери остидаги турнирда ўзаро тўқнаш келганди. Плесси ҳозирда амалдаги UFC чемпиони ҳисобланади. Ўша жангда Диркус иккинчи раундда техник нокаут эвазига Луттербахни мағлубиятга учратганди. Германиялик спортчи ҳозир 4 та ғалабали серия билан келмоқда.
Мағлубият нималигини билмай келаётган 30 ёшли Шарабутдин Магомедов эса ўтган йилнинг октябрь ойида UFC промоушенида муваффақияти дебют қилганди. У уч раунд тўлиқ давом этган жангда ҳакамларнинг якдил қарори билан М-1 чемпиони Бруно Сильвадан устун келганди.
Фикрлар