UFC Vegas 119: Рамазон Темиров вазнидаги даъвогарлик жанги муддатидан аввал якунланди

UFC Vegas 119 турнирининг асосий жанги энг енгил вазн тоифасида ўтказилиб, унда рейтингнинг иккинчи поғонасида бораётган анголалик Манель Капе собиқ Rizin чемпиони япониялик Киоджи Хоригучига қарши октагонга кўтарилди. Хоригучи рейтингда бешинчи ўринни банд этганди.

Хоригучи жангни муваффақиятли бошлади ва икки раундни партердаги устунлик эвазига ўз фойдасига ҳал қилди. Учинчи беш дақиқаликда ҳам япониялик аралаш яккакураш устаси устунлик қилаётганди. Аммо Капе қисқа масофада ўнг қўл хук зарбаси билан рақибини мувозанатдан чиқарди. Кейинги бош қисмига берилган зарбадан кейин рефери Херб Дин жангни тўхтатишга мажбур бўлди. Бу пайтда учинчи раунднинг 2-дақиқаси 42-сонияси ўтиб бораётганди. 

Эслатиб ўтамиз, бу икки спортчининг ўзаро ўтказган иккинчи жанги бўлди. 2017 йилда Rizin лигасида ўтган илк тўқнашувда Хоригучи иккинчи раундда Мануэлни бўғиш усули билан таслим этган эди.