UFC янги мега тадбирга тайёргарлик кўрмоқда

Бу ҳақда UFC президенти Дана Уайт маълум қилди.

"Ишлаб чиқариш бўлими бошлиғим Крейг Борсари Оқ уй ёнидаги турнирни жуда юқори савияда ўтказганидан сўнг ўзига шу қадар ишоняптики, ҳозир биз айнан у ўйлаб топган бир ғояни муҳокама қиляпмиз – бу унинг ташаббуси. Ғоя менга жуда ёқди, лекин ҳали маълум бир тайёргарлик ишларини амалга оширишим керак", – деди Уайт Пет Макафи шоусида.

Уайт ишлаб чиқилаётган тадбир ҳақида бошқа тафсилотларни ошкор қилмади, бироқ кўлами жиҳатидан ҳеч нарса Оқ уй ёнидаги турнирдан устун кела олмаслигини таъкидлади.

"Оқ уйдаги каби тадбир бошқа ҳеч қачон бўлмайди. Ўша оқшомдан кутганларимиз аллақачон жуда юқори эди, лекин кўрганларим мени ҳайратда қолдирди. Бу мен иштирок этган энг буюк воқеа бўлди. У ерда бўлиш ва барчасини жонли кўриш шунчаки ажойиб эди", – дея хулоса қилди UFC раҳбари.