UFC Яшил қитъада яна бир рақамли турнир ўтказади

UFC президенти Дана Уайтнинг маълум қилишича, ташкилотнинг 293-рақамли мусобақаси 10 сентябрь куни Австралия пойтахти Сидней шаҳрида ўтказилади. Бу UFC'нинг Янги Жанубий Уэльс ҳукумати вакиллари билан ҳамкорликда ўтказадиган мусобақалари сирасига киради. 

UFC 293 Австралияда тўрт йил давомида ўтказиладиган учта мусобақанинг биринчиси бўлади. Америка промоушени билан 16 миллион долларлик шартнома Янги Жанубий Уэльс бош вазири Крис Миннс томонидан ҳам эълон қилинди.

"Биз ташриф буюрувчиларни кўпайтириш, маҳаллий бизнесни қўллаб-қувватлаш ва қўшимча иш ўринлари яратиш учун эксклюзив, хилма-хил ва унутилмас тадбирлар тақвимини тузишда давом этяпмиз", - деди Миннс.