Уильямс 15 йил ўтиб, жаҳон чемпионлик унвонини қайтариб олди ва снукер тарихидаги энг катта гонорарга эга бўлди

У драматик кечган ҳал қилувчи финал учрашувида Жон Хиггинсни 18:16 ҳисобида мағлуб этишнинг уддасидан чиқди. 43 ёшли Уильямс 21-фреймдан сўнг 14:7 ҳисобида олдинда бораётганди. Лекин кейинчалик Хиггинс мувозанатни тиклашга эришди – 15:15.

Сўнгги 4та фреймда яна яхши ўйин намойиш этган Марк якунда ғалабани ўз томонига оғдириб олди. Уильямс 15 йиллик танаффусдан сўнг яна жаҳон чемпионига айланди. Шу билан бирга Марк снукер тарихидаги энг катта гонорар суммаси - 483,200 еврога ҳам эга бўлди. Уильямс 2000 ва 2003 йилларда ҳам дунёнинг энг кучли снукерчиси деб топилганди.