Уильям Сепеда WBC чемпиони! Мураталла IBF камарини ҳимоя қилди

У АҚШнинг Лас-Вегас шаҳрида бўлиб ўтган профессионал бокс оқшомининг асосий жангида Ламонт Роучни ҳакамларнинг якдил қарори билан мағлуб этди. Мексикалик боксчининг босими ва фаоллиги ҳал қилувчи рол ўйнади ва ҳакамларнинг якдил қарори билан 118-110, 117-111, 117-111 ҳисоби билан ғалаба қозонди. Бир йил аввал Сепеда ушбу камар учун кечган жангда чемпион Шакур Стивенсонга ҳакамлар қарори билан ютқазиб қўйганди.

Бу сафар у вакант бўлиб турган чемпионлик камарига эга чиқди. 30 ёшли америкалик Роуч эса Жервонта Дэвис ва Исаак Крусга қарши кечган икки дурангдан сўнг мағлубиятга учради.

Оқшомнинг co-main event жангида эса IBF чемпиони Рэймонд Мураталла собиқ жаҳон чемпиони Робсон Консейсаони 118-110, 119-109, 119-109 ҳисобида ишончли тарзда мағлуб этди.