15 июл 12:45
Янгиликлар
Теннис
Уимблдон-2017. Бугун финалда 14 ёш тафовутига эга теннисчилар тўқнашади
Бугун Лондон шаҳрида “Катта Дубулға” туркумига кирувчи Уимблдон турнирининг хотин-қиз теннисчилар ўртасидаги яккалик мусобақасининг ғолибаси аниқланади.
Ҳал қилувчи финал учрашувида испаниялик 23 ёшли Гарбинье Мугуруса америкалик 37 ёшли Винус Уильямсга қарши кортга чиқади. Бугунги финал Мугуруса учун “Катта Дубулға” мусобақаларидаги учинчиси бўлади.
Уимблдон-2015 финалида у америкалик Серена Уильямсга имкониятни бой берганди. “Ролан Гаррос”да эса ўша мағлубият учун реванш олган эди. Теннисчилар ўзаро шу кунгача ўзаро 4 маротаба тўқнаш келишган. Баҳсларнинг 3 тасида Уильямсларнинг тўнғичи зафар қучган.
Шунингдек, бугун Уимблдон турнирида яна 3 та финал учрашуви бўлиб ўтади. Аёлларнинг яккалик финалидан ташқари, ҳам аёллар, ҳам эркаклар ўртасидаги жуфтлик финали ҳамда ўсмир ёшидаги қизлар иштирокидаги финал учрашуви ҳам айнан бугун ўтказилади.
Ҳавола :
Фикрлар