16 июл 11:06
Янгиликлар

Теннис

Уимблдон-2017. Жуфтлик баҳсларида россиялик қизлар тенгсиз!

Лондон шаҳрида якунига етиб бораётган “Катта Дубулға” туркумига кирувчи Уимблдон турнирининг хотин-қиз теннисчилар ўртасидаги жуфтлик мусобақаси ғолибалари аниқланди.

Ҳал қилувчи финал учрашувида россиялик теннисчи қизлар - Екатерина Макарова ва Елена Веснина жуфтлиги 54 дақиқа ичида ғалабани нақд қилишди. Улар руминиялик Моника Никулеску ҳамда Хитой Тайпейи вакиласи Хао-Чинга биронта геймни ҳам беришмади - 6:0, 6:0!

Уимблдон турниридаги муваффақиятли иштирок Веснина ва Макаровага 400 000 доллар мукофот пули ҳамда 2000 рейтинг очкосини тақдим этди.