“Уимблдон” фаворитларидан бири турнирни тарк этди

“Ковид-тести ижобий натижа бергани учун “Уимблдон” мусобақасида қатнаша олмаслигимни қалбим синган ҳолда эълон қиламан.

Менда гриппга ўхшаш аломатлар бор эди ва сўнгги бир неча кун ичида ўзимни изоляция қилдим. Симптомлар оғир бўлмасада, мен ҳамкасбларим ва турнирда иштирок этаётган бошқа одамларга хавф туғдирмаслик учун эрталаб яна бир синовдан ўтдим.

Мен ҳис қилган умидсизликни тасвирлашга сўз ожиз. Бу йилги орзуим пучга чиқди, лекин албатта кучлироқ бўлиб қайтаман”, - деб ёзган Берреттини.

Эслатиб ўтамиз, италиялик теннисчи “Уимблдон” олдидан Штутгарт ва Лондондаги турнирларда ғолиб чиққанди.

Шунингдек, аввалроқ, ковид туфайли Марин Чилич ҳам турнирни тарк этган эди.