05 июл 09:55
Янгиликлар

Теннис

Уимблдон. Федерер чемпионлик ҳимоясини давом эттирмоқда

Лондон шаҳри мезбонлик қилаётган "Катта Дубулға" туркумига кирувчи Уимблдон турнирининг иккинчи давра учрашувлари ўтказиляпти.

Эркаклар ўртасидаги мусобақанинг амалдаги ғолиби швейцариялик Рожер Федерер турнирдаги иккинчи ғалабасига эришди. Дунёнинг иккинчи ракеткаси словакиялик Лукаш Лацкога қарши кортга чиқди.

Бир соату 29 дақиқа давом этган учрашувда 36 ёшли Федерер дунё рейтингида 73-ўринни эгаллаб турган 30 ёшли Лацкони 6:4, 6:4, 6:1 ҳисобида мағлуб этди. Федерер баҳс давомида 16та эйс зарбани амалга оширди.