Уимблдон. Мезбонлар вакили 5 сетлик баҳсни ўз фойдасига ҳал қилди

Дунёнинг 12-ракеткаси бўлиб турган Кэмерон Норри мураккаб кечган чорак финал учрашувида ATP рейтингида 58-поғонадан жой олган бельгиялик Давид Гоффинни мағлубиятга учратди - 3/6, 7/5, 2/6, 6/3, 7/5.

Норри ўзаро иккинчи учрашувда ҳам Давидни енгди. Уч соату 31 дақиқа давом этган баҳсда Кэмерон 5, Гоффин эса 6 та эйс зарбасини амалга оширган. Ҳар икки ракетка устаси ҳам 5 тадан брейк қайд этган. Энди мезбонлар вакили ярим финалда Новак Жоковичга қарши кортга чиқади.