10 июл 10:10
Янгиликлар

Теннис

Уимблдон. Серена Уильямс 1/4 финал йўлланмасини қўлга киритди

Хабар берганимиздек, шу кунларда Лондон кортларида “Катта Дубулға” туркумига кирувчи “Уимблдон” турнири давом этмоқда.

WTA рейтингида 181-ўринни эгаллаб турган дунёнинг собиқ биринчи рақамли теннисчи Серена Уильямс мусобақанинг нимчорак финал босқичида ғалабага эришди. Америкалик теннисчи асосий тўрга саралаш баҳслари орқали етиб келган россиялик Евгения Родинадан устун келди.

Бир соату 2 дақиқа давом этган баҳсда 36 ёшли Серена рейтингда 120-поғонадан жой олиб турган 29 ёшли Родинани 6:2, 6:2 ҳисобида мағлубиятга учратди. Энди Уильямс ярим финал чиптаси учун италиялик Камила Жоржига қарши кортга чиқади.