29 июн 10:03
Янгиликлар

Теннис

Уимблдон. Шариповани мағлуб этган теннисчи асосий тўрга чиқди

Лондон шаҳрида "Катта Дубулға" туркумига кирувчи Уимблдон турнирининг саралаш босқич учрашувлари якунланди.

Асосий тўрга йўлланма олган омадли теннисчилар қаторида тажрибали Вера Звонарёва ҳам бор. Россиялик бу теннисчи саралашнинг ярим финал учрашувида ҳамюртимиз Сабина Шариповани қийинчилик билан мағлуб этган эди.

Ўз вақтида "Катта Дубулға" турнирларининг жуфтлик баҳсларида ғолиб бўлган Вера Уимблдон саралашининг финал учрашувида америкалик Каролин Долхайдни 6:2, 6:3 ҳисобида мағлуб этди. Звонарёва дунё рейтингида 141, Долхайд эса 113-ўринни эгаллаб турибди.