03 июл 10:24
Янгиликлар

Теннис

Уимблдон. Свитолинанинг илк даврадаги кутилмаган мағлубияти

Хабар берганимиздек, шу кунларда Лондон шаҳрида "Катта Дубулға" туркумига кирувчи Уимблдон турнири давом этмоқда.

Дунёнинг бешинчи рақамли теннис маликаси Элина Свитолина биринчи даврадаёқ мағлубият аламини тотиб кўришга мажбур бўлди. Украиналик теннисчи WTA рейтингида 57-ўринни эгаллаб турган германиялик Татьяна Марияга 7:6(3), 4:6, 1:6 ҳисобида ютқазиб қўйди.

Икки соату 9 дақиқа давом этган учрашувда Мария 6та, Свитолина эса бор-йўғи битта эйс зарбасини амалга ошира олди, холос. Икки теннисчининг ўзаро учрашувларида Татьяна 3:2 ҳисобида олдинга чиқиб олди. Энди олмон теннисчиси иккинчи даврада франциялик Кристин Младеновичга қарши кортга чиқади.