11 июл 09:47
Янгиликлар

Теннис

Уимблдон. Тўрт ярим соатлик учрашувдан сўнг Надалнинг 1/4 финалдаги рақиби маълум бўлди

Лондон шаҳрида давом этаётган "Катта Дубулға" туркумига кирувчи Уимблдон турнирининг эркаклар ўртасидаги мусобақасида чорак финалчилар аниқланди.

Турнирнинг нимчорак финал учрашувида аргентиналик Хуан Мартин Дель Потро жиддий қаршиликка дуч келди. У 4 соату 24 дақиқа давом этган баҳсда франциялик Жиль Симонни 7:6(1), 7:6(5), 5:7, 7:6(5) ҳисобида мағлуб этди.

Аргентиналик теннис юлдузи 25та эйс зарбасини амалга оширди. Дунёнинг тўртинчи ракеткаси бўлган Дель Потро энди чорак финалда сайёрамизнинг биринчи рақамли теннисчиси испаниялик Рафаэль Надалга қарши кортга чиқади.