04 авг 10:14
Янгиликлар
Футбол
Украина чемпионати. “Динамо” “Шахтёр”дан устун келди
Украина чемпионатининг 3-турида Киевнинг “Динамо”си ўз уйида азалий рақиби “Шахтёр”ни таслим этди.
“Олимпийский” стадионида кечган беллашувда ягона гол ўйин тақдирини ҳал қилди. Мезбонларнинг словениялик ҳимоячиси Беньямин Вербич 64-дақиқада жамоадоши Виктор Циганков узатиб берган тўпни рақиб дарвозасига аниқ йўллади.
Шу тариқа “Динамо” мавсумда қаторасига учинчи ғалабани қўлга киритган бўлса, “Шахтёр” илк мағлубиятни қарши олишга мажбур бўлди.
Айни пайтда “Динамо” 9 очко билан чемпионат турнир жадвалини бошқариб бормоқда. Кейинги поғоналарда 6 очко жамғарган “Шахтёр” ва “Александрия” клублари боришмоқда.
Ҳавола :
Фикрлар