Улуғбек Собиров Украинада кучли рақибга қарши рингга чиқди

Оқшом доирасидаги қизиқарли жанглардан бирида ҳамюртимиз Улуғбек Собиров (9-1, 5 КО) украиналик Дмитрий Митрофанов (8-0-1, 5 КО)га қарши рингга кўтарилди. Ўрта вазн тоифаси вакиллари ўртасидаги ушбу жанг саккиз раундга мўлжалланганди. Жанг тўлиқ давом этди ва ғолиб номи ҳакамлар қарорига кўра аниқланди. 

Афсуски, ҳакамлар саккиз раунднинг барчасида украиналик боксчи ғалаба қозонганини эътироф этиб, якуний ғалабани Митрофановга беришди. Бу Улуғбек Собировнинг фаолиятидаги илк мағлубият бўлди. Чарм қўлқоп устамиз бундан аввалги барча 9 та жангда ғалаба қозонган, жангларнинг 5 тасида рақибларини нокаутга учратган эди.