Умар Кремлёв: "Қарор адолатли!"

"Бу финал жанги кенг муҳокамаларга сабаб бўлди. Тартиб-интизом ва этика қўмитаси вазиятни чуқур таҳлил қилиб ўрганиб чиқди. Жанг натижаси бўйича ҳеч қандай эътироз ва шубҳа-гумонлар ҳақида гап-сўз бўлиши мумкин эмас. Шумков бу жангда ҳақли равишда ғалаба қозонди. Лекин Шумковнинг қулоқ тишлаган ҳолатини ҳеч ким, шу жумладан IBA президенти сифатида мен ҳам оқламайман. Бу нотўғри ҳаракат ва бундай ҳолатларга йўл қўйиб бўлмайди. Ўша вазият натижага ҳеч қандай таъсир ўтказмагани, мураббийлар ва боксчи томонидан жанг пайтида эътироз, шикоят билдирилмагани учун жанг натижаси экспертлар томонидан ўз кучида қолдирилди. Лекин Шумковни гонорарининг 50 фоизи миқдорида жаримага тортдик.

Такрор айтаман, бу каби ҳолатларни қоралаймиз. Бизнинг позициямиз бу борада аниқ. Келинглар, бу икки боксчи ўртасида реванш жангини ўтказамиз. Ўртага IBA чемпионлик камари қўйилади. Жанг саккиз раунддан иборат бўлади. Ким кучли эканини ринг кўрсатади. Боксчиларнинг жамоаларидан таклифга жавоб кутамиз", - деди IBA президенти Умар Кремлёв.